Qostanai oblysynda qar qursaýynda qalǵan 20 balyqshy qutqaryldy, - dep habarlaidy QR IIM Tótenshe jaǵdailar komiteti.
Vedomstvo málimetinshe, 13 qańtar kúni keshki saǵat 22:00 shamasynda Qostanaidyń «112» qyzmetine Qostanai aýdanynyń aýmaǵyndaǵy Jdanovka aýylynan 10 shaqyrym jerde Aqqabaq kólinde 20 balyqshynyń qar qursaýynda qalǵany týraly habarlama túsken. 11 kólikke minip, kólge shyǵyp ketken balyqshylar keshke aýylǵa qaitar kezde boran soǵyp, jol boiyn bir metrge deiin qar basyp tastaǵan.
«Qiyn jaǵdaiǵa tap bolǵan balyqshylar qutqarý qyzmetine qońyraý shaldy. Qostanai oblystyq TJD qutqarýshylary TREKOL jol talǵamaityn kóligimen kólge jetti. Sodan keiin barlyq balyqshylardy eki kezekpen Jdanovka aýylyna taqaý jerde tazartylǵan jol ýchaskesinde turǵan «KamAZ» kóligine jetkizdi. Saǵat 23:28-de qutqarýshylar men balyqshylar Qostanai qalasyna bet aldy. Qutqarý operatsiiasy sátti ótti, zardap shekkender joq», - dep atap ótedi komitetten.
