قوستاناي وبلىسىندا قار قۇرساۋىندا قالعان 20 بالىقشى قۇتقارىلدى, - دەپ حابارلايدى قر ٸٸم تٶتەنشە جاعدايلار كوميتەتٸ.
ۆەدومستۆو مەلٸمەتٸنشە, 13 قاڭتار كٷنٸ كەشكٸ ساعات 22:00 شاماسىندا قوستانايدىڭ «112» قىزمەتٸنە قوستاناي اۋدانىنىڭ اۋماعىنداعى جدانوۆكا اۋىلىنان 10 شاقىرىم جەردە اققاباق كٶلٸندە 20 بالىقشىنىڭ قار قۇرساۋىندا قالعانى تۋرالى حابارلاما تٷسكەن. 11 كٶلٸككە مٸنٸپ, كٶلگە شىعىپ كەتكەن بالىقشىلار كەشكە اۋىلعا قايتار كەزدە بوران سوعىپ, جول بويىن بٸر مەترگە دەيٸن قار باسىپ تاستاعان.
«قيىن جاعدايعا تاپ بولعان بالىقشىلار قۇتقارۋ قىزمەتٸنە قوڭىراۋ شالدى. قوستاناي وبلىستىق تجد قۇتقارۋشىلارى ترەكول جول تالعامايتىن كٶلٸگٸمەن كٶلگە جەتتٸ. سودان كەيٸن بارلىق بالىقشىلاردى ەكٸ كەزەكپەن جدانوۆكا اۋىلىنا تاقاۋ جەردە تازارتىلعان جول ۋچاسكەسٸندە تۇرعان «كاماز» كٶلٸگٸنە جەتكٸزدٸ. ساعات 23:28-دە قۇتقارۋشىلار مەن بالىقشىلار قوستاناي قالاسىنا بەت الدى. قۇتقارۋ وپەراتسيياسى سەتتٸ ٶتتٸ, زارداپ شەككەندەر جوق», - دەپ اتاپ ٶتەدٸ كوميتەتتەن.
