Qostanaida janyp jatqan kólikten 29 jastaǵy er adamdy qutqarý sáti videoǵa túsip qalǵan, - dep habarlaidy Tengrinews.kz.
19 mamyrda saǵat 02:00 shamasynda "102" pýltine Iýbileinyi aýdanynda kólik janyp jatqany týraly habarlama kelip túsken. Keiin VAZ-2114 avtokóligi janyp jatqan oqiǵa ornyna avtopatrýl kelgen. Kólikke jaqyn mańda patrýlge kólik salonynda bir adam baryn aitqan jas jigit bolǵan.
"Janyp jatqan kólikke qarai júgirip, júrgizýshi jaǵynan esikti ashtyq. Róldegi er adam es-tússiz kúide boldy. Júrgizýshi salonnan shyǵarylyp, qaýipsiz jerge, avtobýs aialdamasyna jetkizildi", - dedi Qostanai oblysy Politsiia departamentiniń qyzmetkeri Jumaniiazov.
Keiin kólikte qozǵaltqysh janǵany anyqtaldy. Órt sóndirildi, zardap shekkender joq.
Politseiler qostanailyq Baýyrjan Tájbaevty belsendi azamattyq ustanym tanytqany úshin marapattady. Quqyq qorǵaý organdary oǵan IIM logotipi bar saǵat tabystady.
"Naǵyz batyr, óziniń ornynda kim bolsa da dál osylai isteitinin aitty", - dedi tártip saqshylary.
