قوستانايدا جانىپ جاتقان كٶلٸكتەن 29 جاستاعى ەر ادامدى قۇتقارۋ سەتٸ ۆيدەوعا تٷسٸپ قالعان, - دەپ حابارلايدى Tengrinews.kz.
19 مامىردا ساعات 02:00 شاماسىندا "102" پۋلتٸنە يۋبيلەينىي اۋدانىندا كٶلٸك جانىپ جاتقانى تۋرالى حابارلاما كەلٸپ تٷسكەن. كەيٸن ۆاز-2114 اۆتوكٶلٸگٸ جانىپ جاتقان وقيعا ورنىنا اۆتوپاترۋل كەلگەن. كٶلٸككە جاقىن ماڭدا پاترۋلگە كٶلٸك سالونىندا بٸر ادام بارىن ايتقان جاس جٸگٸت بولعان.
"جانىپ جاتقان كٶلٸككە قاراي جٷگٸرٸپ, جٷرگٸزۋشٸ جاعىنان ەسٸكتٸ اشتىق. رٶلدەگٸ ەر ادام ەس-تٷسسٸز كٷيدە بولدى. جٷرگٸزۋشٸ سالوننان شىعارىلىپ, قاۋٸپسٸز جەرگە, اۆتوبۋس ايالداماسىنا جەتكٸزٸلدٸ", - دەدٸ قوستاناي وبلىسى پوليتسييا دەپارتامەنتٸنٸڭ قىزمەتكەرٸ جۇمانييازوۆ.
كەيٸن كٶلٸكتە قوزعالتقىش جانعانى انىقتالدى. ٶرت سٶندٸرٸلدٸ, زارداپ شەككەندەر جوق.
پوليتسەيلەر قوستانايلىق باۋىرجان تەجباەۆتى بەلسەندٸ ازاماتتىق ۇستانىم تانىتقانى ٷشٸن ماراپاتتادى. قۇقىق قورعاۋ ورگاندارى وعان ٸٸم لوگوتيپٸ بار ساعات تابىستادى.
"ناعىز باتىر, ٶزٸنٸڭ ورنىندا كٸم بولسا دا دەل وسىلاي ٸستەيتٸنٸن ايتتى", - دەدٸ تەرتٸپ ساقشىلارى.
