Qostanaida ákesi men balasynyń arasynda týyndaǵan janjaldyń sońy qaiǵyly boldy, dep habarlaidy "Ult aqparat" Qostanai oblystyq politsiia departamentiniń baspasóz qyzmetine silteme jasap.
Politsiia basqarmasy oblys ortalyǵynyń 30 jastaǵy turǵynyn óltirý faktisi boiynsha sot aldyndaǵy tergep-tekserý amaldaryn júrgizýde, ol sot aldyndaǵy tergeýdiń Biryńǵai tiziliminde Qylmystyq kodekstiń 99-babynyń 1-bólimi («Adam óltirý») boiynsha tirkelgen.
«Janjal ákesi men balasynyń spirtti ishimdik ishýi saldarynan týyndaǵan jáne urys kezinde kúdikti (ákesi) balasynyń basynan baltamen uryp jaraqattaǵan. Qylmys jasady degen kúdikpen 73 jastaǵy er adam ustaldy. Istiń mán-jaiyn jan-jaqty, tolyq ári obektivti anyqtaý maqsatynda tiisti jumystar júrgizilip jatyr», - dep túsindirip ótti politsiia departamentinen.
Politsiiada osyǵan uqsas qylmystarǵa jol bermeý maqsatynda alkogoldik ishimdikter ishýden bas tartýǵa, otbasy men jumysta salaýatty ómir saltyn ustanýǵa shaqyrady.
