Qostanai mektepteriniń birinde Mantý synamasynan keiin bala qaitys boldy degen habarlama tarap jatyr, - dep habarlaidy Tengrinews.kz.
Qostanailyqtar messendjerlerde balanyń ólimi týraly aýdiohabarlamany belsendi túrde taratyp jatyr. Aýdiohabarlamada oqiǵa mektepte Mantý synamasy júrgizilgennen keiin bolǵany aitylady. Onda er adam Qostanaidaǵy mektepterdiń birinde balalarǵa jasyryn túrde vaktsina egilgenin aitady. Boljam boiynsha, bir bala vaktsinatsiiadan keiin qaitys bolǵan, taǵy birnesheýiniń jaǵdaiy aýyr ekeni aitylady.
"Búgin balalarǵa ekpe salyndy, olardyń aitýynsha "Mantý". Iýrkamen bir synypta bir bala oqityn... Oǵan ekpe salǵan, úiine kelgende jaǵdaiy nasharlap, dene qyzýy 40 boldy, jansaqtaýǵa alyp ketti, bala qaitys boldy. Ol toǵyz jasta, ekpe alǵannan qaitys boldy, taǵy úsheýi aýyr jaǵdaida aýrýhanada jatyr. Qostanaidaǵy №7 mektepte boldy", - deidi er adam.
Óńirdegi Densaýlyq saqtaý basqarmasy habarlamaǵa qatysty birden jaýap berdi. Habarlama jalǵan ekeni belgili boldy.
"Qurmetti otandastar, bul jalǵan aqparatty taratýdy toqtatýǵa shaqyramyn. Qazaqstanda balalarǵa koronavirýsqa qarsy ekpe jasalmaidy. №7 mektepte ekpeden keiin bala ólimi bolǵany jáne balalar aýyr jaǵdaida ekeni týraly aqparat - jalǵan", - dedi departament ókili.
Endi aýdiohabarlama avtoryn jalǵan aqparat taratqany úshin politsiia izdestiredi.
"Fakt boiynsha QR QK-niń 274-babynda kózdelgen "Kórineý jalǵan aqparat taratý" boiynsha sotaldy tergeý bastaldy. Politseiler jalǵan habarlamalar men áleýmettik jelilerdegi jazbalar úshin qylmystyq jaýapkershilik baryn eskertedi", - deidi departamenttegiler.
Er adam endi úsh million teńgege jýyq aiyppul tóleýi nemese sol mólsherde túzeý jumystaryna tartylýy múmkin, sonymen qatar, ol tórt júz saǵatqa deiin qoǵamdyq jumystarǵa tartylýy nemese bir jylǵa deiin bas bostandyǵynan shektelýi nemese qamalýy múmkin.
