© Sputnik / G. Nadejdin
Qostanai oblysynda joǵalyp ketken jasóspirim izdestirilip jatyr.
Ony izdestirý jumystaryna eriktilermen birge qarmen júretin arnaiy tehnika da tartyldy, dep habarlady Sputnik agenttigi jergilikti Alaý aqparattyq portalyna silteme jasap.
Jasóspirim 3 qańtarda saǵat tańǵy 10.00 shamasynda jylqy izdeýge dalaǵa ketken. Sodan oralmady. Qostanai oblysynda 3 qańtarda boran soǵyp, qar jaýdy.
Joǵalǵan jasóspirimniń ata-anasy politsiiadan kómek surady. Qazirgi kúni ony politsiiamen qatar eriktiler de izdestirip jatyr. Alaida boran men qatty jel izdestirý jumystaryn qiyndatyp otyr.
"Adamdar óte kóp, qarmen júretin tehnika, mashinalar. Olardyń bári balany izdestirip jatyr", - deidi "Dos" eriktiler jasaǵynyń músheleri.
