Sýret ashyq derekkózden alyndy
Qostanaida áielge shabýyl jasaǵan pitbýl iesine aiyppul salyndy, - dep habarlaidy Tengrinews.kz portaly "Nasha gazeta" basylymyna silteme jasap.
Aita keteiik, 26 qarashada Molodeji býlvaryna jaqyn mańdaǵy Mádeniet saraiy aýdanynda saǵat 17:28-de it adamǵa shabýyl jasaǵan. Tumyldyryǵy joq pitbýl serýendep bara jatqan áielge júgirgen. Aldymen ol áieldiń janyndaǵy itke atylǵan, sodan keiin áielge aýysyp, eki aiaǵyn kezekpen talap tastaǵan.
Basylym málimetine súiensek, pitbýldiń iesi itin qýyp jetip, áielden ajyratyp alyp, jábirlenýshige nazar aýdarmai ári qarai serýendep ketken. Saǵat 18:15-te áieldi oqiǵa kýágerleri jedel járdem pýnktine alyp kelgen.
"27 jastaǵy pitbýl iesine qatysty QR ÁQBtK-niń 407-2-babynyń 1-bóliginiń 4-tarmaǵymen "Janýarlarǵa jaýapkershilikpen qaraý" boiynsha ákimshilik quqyq buzýshylyq týraly hattama toltyrylyp, 10 AEK (31 800 teńge) mólsherinde ákimshilik aiyppul salyndy", - dedi Qostanai oblysy PD basshysynyń orynbasary Baýyrjan Ábenov.
