Foto: Polisia.kz
Qostanaida 25 ret jol erejesin buzǵan júrgizýshi ustaldy, dep habarlaidy Ult.kz.
"Qorǵaý" intellektýaldy júiesiniń kómegimen politseiler jol qozǵalysy erejesin júieli túrde buzyp, ainaladaǵylarǵa qaýip tóndirgen Qostanai aýdanynyń 25 jastaǵy turǵynyn ustady. Ol sheteldik tirkeýdegi BMW avtokóligin basqarǵan.
Politsiianyń málimetinshe, júrgizýshiniń atyna 25 ákimshilik quqyq buzýshylyq tirkelgen, onyń 24-i – jyldamdyqty arttyrý deregi. Olar avtomatty tirkeý quraldary arqyly anyqtalǵan. Jii jasalǵan buzýshylyqtar men jol erejelerine nemquraily qaraý ózge jol qozǵalysyna qatysýshylarǵa qaýip tóndirgen. Tólenbegen aiyppuldardyń jalpy somasy shamamen 600 myń teńgeni quraidy. Quqyq buzýshy ákimshilik jaýapkershilikke tartylyp, kóligi arnaiy turaqqa qoiyldy. Politsiia júrgizýshilerge jol erejelerin jáne joldaǵy qaýipsizdik sharalaryn saqtaýdyń mańyzdylyǵyn eskertedi.
