Qostanai oblysynda kólikti tekserý barysynda myń litr spirt qosylǵan suiyqtyq tárkilendi, dep habarlaidy "Ult aqparat" QR QM Qarjy monitoringi komitetiniń baspasóz qyzmetine silteme jasap.
Qostanai oblysy Ekonomikalyq tergeý departamentiniń qyzmetkerleri jedel-izdestirý sharalary nátijesinde QR UQQ shekara qyzmeti, memlekettik kirister organdarymen ózara birlesip, «Gazel» markaly avtokóligin ustady.
«Kólikti 1991 jyly týǵan QR azamaty basqarǵan.
Avtokólikti tekserý barysynda 5 litrlik ydystarǵa quiylǵan suiyqtyq anyqtalyp, tárkilendi. Spirt qosylǵan suiyqtyqtyń jalpy kólemi – 1000 litr. Atalǵan fakt boiynsha sýrrogattyq alkogol ónimin jasaýǵa qatysty tekserý sharalary júrgizilýde»,- delingen vedomstvonyń aqparatynda.
Qazir memlekettik kirister organy «Gazel» júrgizýshisin ákimshilikke jaýapqa tartý boiynsha jumys júrgizýde. Sondai-aq tárkilengen spirt ónimi densaýlyq saqtaý basqarmasynyń qajettiligine jiberildi.
