قوستاناي وبلىسىندا كٶلٸكتٸ تەكسەرۋ بارىسىندا مىڭ ليتر سپيرت قوسىلعان سۇيىقتىق تەركٸلەندٸ, دەپ حابارلايدى "ۇلت اقپارات" قر قم قارجى مونيتورينگٸ كوميتەتٸنٸڭ باسپاسٶز قىزمەتٸنە سٸلتەمە جاساپ.
قوستاناي وبلىسى ەكونوميكالىق تەرگەۋ دەپارتامەنتٸنٸڭ قىزمەتكەرلەرٸ جەدەل-ٸزدەستٸرۋ شارالارى نەتيجەسٸندە قر ۇقق شەكارا قىزمەتٸ, مەملەكەتتٸك كٸرٸستەر ورگاندارىمەن ٶزارا بٸرلەسٸپ, «گازەل» ماركالى اۆتوكٶلٸگٸن ۇستادى.
«كٶلٸكتٸ 1991 جىلى تۋعان قر ازاماتى باسقارعان.
اۆتوكٶلٸكتٸ تەكسەرۋ بارىسىندا 5 ليترلٸك ىدىستارعا قۇيىلعان سۇيىقتىق انىقتالىپ, تەركٸلەندٸ. سپيرت قوسىلعان سۇيىقتىقتىڭ جالپى كٶلەمٸ – 1000 ليتر. اتالعان فاكت بويىنشا سۋرروگاتتىق الكوگول ٶنٸمٸن جاساۋعا قاتىستى تەكسەرۋ شارالارى جٷرگٸزٸلۋدە»,- دەلٸنگەن ۆەدومستۆونىڭ اقپاراتىندا.
قازٸر مەملەكەتتٸك كٸرٸستەر ورگانى «گازەل» جٷرگٸزۋشٸسٸن ەكٸمشٸلٸككە جاۋاپقا تارتۋ بويىنشا جۇمىس جٷرگٸزۋدە. سونداي-اق تەركٸلەنگەن سپيرت ٶنٸمٸ دەنساۋلىق ساقتاۋ باسقارماسىنىڭ قاجەتتٸلٸگٸنە جٸبەرٸلدٸ.
