Foto: Press-slýjba akima Pavlodarskoi oblasti /Valeriy BUGAYEV
Qostanai óńirinde káriz qubyry jarylyp, saiajai sý astynda qaldy, dep habarlaidy tótenshe jaǵdailar departamenti.
11 qarasha saǵat 22:30 shamasynda "Energetik" saiajaiynda kanalizatsiialyq qubyr jarylǵan.
"Kairbekov kóshesinde diametri 1000 millimetr bolatyn naporly káriz kollektorynyń bolat qubyry tozýdyń saldarynan bolǵan. Apat saldarynan 10 saiajai aýmaǵyn sý basty", - deidi tótenshe jaǵdailar departamenti.
Abyroi bolǵanda, sý turǵyn úilerge kirmegen. Saiajaida barlyǵy 286 saiajai ýchaskesi bar, onyń 96-synda 250 adam turaqty turady.
Tótenshe jaǵdailar departamentine úsh qońyraý túsken, barlyǵy qabyldanǵan. Habar túsken boida oqiǵa ornyna kúshter men quraldar jiberildi. Sonymen qatar jergilikti atqarýshy organdar tarapynan 5 adam jáne 2 tehnika jumyldyryldy.
Jóndeý-qalpyna keltirý jumystaryn "Qostanai-Sý" memlekettik kommýnaldyq kásipornynyń 14 qyzmetkeri men 6 tehnikasy atqardy.
Sý deńgeiin tómendetý jáne qubyrdy qalpyna keltirý sharalary jalǵasyp jatyr.
