Koronovirýs infektsiiasymen kúres jónindegi oblystyq jedel shtab bir aptaǵa Qostanai jáne Rýdnyi qalalaryna kirip-shyǵýǵa tyiym saldy, dep habarlaidy "Ult aqparat" oblys ákiminiń baspasóz qyzmetine silteme jasap.
«Osy qaýlyda kórsetilgen adamdardan basqa azamattardyń Qostanai jáne Rýdnyi qalasynyń aýmaǵyna kirýine/shyǵýyna tyiym salynsyn. Bul rette, oblys turǵyndarynyń bir aýdannan/qaladan ekinshi aýdanǵa kedergisiz júrip-turýyna ruqsat etiledi. Jol paraqtaryn, jumys júktemesi, tapsyrma-josparlardy, taýar júkqujattaryn, issapar qujattaryn, meditsinalyq mekemelerdiń joldamalaryn, jeke kýáligin kórsetken kezde sanitariialyq beketter arqyly kedergisiz kirýge/shyǵýǵa bolady», delingen Oblystyq jedel shtabtyń qaýlysynda.
Sonymen oblystyń aýdan-qalalaryna myna azamattarǵa kirip-shyǵýǵa ruqsat etiledi:
- halyqtyń tirshiligin qamtamasyz etetitn uiymdardyń qyzmetkerleri;
- meditsinalyq kórsetkishteri bar adamdar;
- tranzittik jolaýshylar men júkterdi avtotasymaldaýshylar;
- vahtalyq qyzmetkerlerdi tasymaldaityn kólik quraldary;
-kólikti jáne tabiǵat qorǵaý, veterinariialyq, aýyl sharýashylyǵy is - sharalaryn, jol-jóndeý jumystaryn, avariialyq qyzmetterdi júrgizýge tartylǵan adamdardy, birinshi kezekte qajetti taýarlardy, tamaq ónimderin, dári-dármekterdi, qatty, suiyq otyndy jáne JJM jetkizýshilerdi, sondai-aq oblystyń sharýashylyq tynys-tirshiligin qamtamasyz etý úshin taýarlary, jabdyqtary men materialdary bar barlyq júk kóligin rastaityn qujattar usynylǵan kezde (memlekettik tirkeý týraly kýálik, jumyskerler úshin-jumys ornynan mórmen rastalǵan erkin úlgidegi anyqtama);
- quqyq belgileitin qujattardy usynǵan kezde qala syrtyndaǵy úilerge (saiajailarǵa) barý úshin turaqty turatyn jerine qaityp keletin adamdar men oblys turǵyndary (bir otbasy músheleri);
- jumys berýshiniń mórimen rastalǵan erkin úlgidegi anyqtamasy bar adamdar.
Ýaqytsha karantin belgilengen Rýdnyi qalasynda myna qoǵamdyq kóliktiń júrip-turýyna ruqsat beriledi: № 1, 2, 6, 7, 8, 10, 11, 29, 200. Sondai-aq «SSKÓB» AQ qyzmetkerlerin saǵat 5:00-den 10:00-ge deiin jáne saǵat 17:00-den 01:00-ge deiin tasymaldaý úshin bólingen avtokólikter kedergisiz qozǵalady.
Oblystyq kirister departamentiniń avtokólikterine saǵat 22:00-den 06:00-ge deiin kedergisiz qozǵalýǵa ruqsat berildi.
