Tsifrlyq damý, innovatsiialar jáne aeroǵarysh ónerkásibi ministrligi otandyq bailanys operatorlarymen birlesip, aýqymdy orman órti oryn alǵan Qostanai oblysynyń barsha turǵyndary úshin tegin uialy bailanys qyzmetterin qamtamasyz etti, dep habarlaidy "Ult aqparat" vedomstvonyń baspasóz qyzmetine silteme jasap.
Atap aitqanda, Kcell/Activ, Beeline, Altel/Tele2 operatorlary turǵyndarǵa tegin uialy bailanys trafikterin joldady. Osylaisha óńir turǵyndary jaqyndarymen esh kedergisiz bailanys ornata alady.
Budan bólek, órtti sóndirýge jumyldyrylǵan shuǵyl qyzmetterdiń jumysyn qoldaý barysynda Tele2/Altel operatory TJM qyzmetkerlerin bailanyspen qamtamasyz etý maqsatynda arnaiy mobildi bazalyq stantsiia ornalastyrylǵan.
"Qostanai oblysynyń turǵyndaryn órt apaty saldary joiylǵansha sapaly bailanyspen qamtamasyz etý máselesi - bizdiń vedomstvonyń tikelei baqylaýynda. Biz otandastarymyzǵa óz tarapymyzdan qoldaý kórsetý baǵytynda tiisti sharalardy júzege asyramyz" - delingen habarlamada.
Al Qazaqtelekom taratqan málimetke sáikes, Áýliekól aýdanynyń turǵyndary jyl sońyna deiin abonenttik tólemnen tolyq kólemde bosatyldy jáne telekommýnikatsiialyq qyzmetterdi tegin alady. Budan bólek, tilsiz jaýdan zardap shekken úsh aýyl – Ozernoe, Lesnoe men Amanqaraǵai turǵyndarynyń telekommýnikatsiia qyzmeti úshin barlyq bereshegi men ósimpuly keshiriledi.
