Qostanai oblysyndaǵy órt saldarynan Ozernyi kentiniń turǵyndary evakýatsiialandy, - dep habarlaidy Massaget.kz agenttigi.
Qostanai oblysy Basaman QMÝ aýmaǵyndaǵy iri orman órtin sóndirý ekinshi táýlik boiy jalǵasyp jatyr.
Órtti sóndirýge "Qazavilesoohrana" RMQK, orman mekemeleriniń, Qostanai, Aqmola, Soltústik Qazaqstan oblystarynyń TJD kúshteri men quraldary jumyldyryldy.
Qazirgi ýaqytta tilsiz jaýdy aýyzdyqtaýǵa 300-ge jýyq adam, 100-den astam tehnika jumyldyrylǵan. Orman sharýashylyǵy jáne janýarlar dúniesi komiteti tóraǵasynyń orynbasary Erlan Qutpanbaev oqiǵa ornynda, shtabta órt sóndirý boiynsha taktikalyq sheshimder qabyldanyp jatyr. Órt memlekettik orman qorynyń 2000 gektardan astam jerin qamtydy.
17:30-daǵy aqparat boiynsha, Novonejinka aýylynyń mańynda órt toqtatyldy. Al, Ozernyi kentinde 50-ge jýyq úi janyp jatyr. Turǵyndar evakýatsiialandy.
