Amanqaraǵai aýylyndaǵy órt. Kýágerlerden alynǵan
Qostanai oblysyndaǵy órtengen Amanqaraǵai aýyly áýeden videoǵa túsirildi, - dep habarlaidy Tengrinews.kz tilshisi "Nasha Gazeta" basylymyna silteme jasap.
3 qyrkúiekte oblystyń Tótenshe jaǵdailar departamenti orman órti Amanqaraǵai aýylyna deiin jetkenin habarlady. Oqiǵa kýágerleri áleýmettik jelilerde jantúrshigerlik kadrlardy bólise bastady.
Kadrlardan úilerdiń qabyrǵalary men irgetasy ǵana qalǵanyn kórýge bolady. Tótenshe jaǵdailar departamenti málimetinshe, órt munai bazasynyń ákimshilik ǵimaraty men jaqyn mańdaǵy 30 úige jaiylǵan. Keiinirek oqiǵa kýágerleri aýyldaǵy órt júzge jýyq úidi sharpyǵanyn málimdedi.
Eske salaiyq, 2 qyrkúiekte Qostanai oblysynyń Áýliekól aýdanynda orman órtendi. Óńirdegi órt úshinshi kún qatarynan sóndirilip jatyr. Amanqaraǵai, Novonejinka, Kalinino, Lesnoe, Ozernoe eldi mekenderine qaýip tóndi.
4 qyrkúiekte tańerteń Amanqaraǵai aýylynda úiindilerdi tazalaý kezinde 86 jastaǵy zeinetkerdiń máiiti tabyldy. Bas prokýratýra Qostanai men oblystaǵy órtte adamdardyń qaza tabýy boiynsha qylmystyq is qozǵady. Qostanai oblysynda tótenshe jaǵdai jariialandy.
