Tanymal qoǵam qairatkeri jáne Májilis depýtaty Konstantin Avershin eriktiler men kásipkerler Qostanai oblysynda órtten zardap shekkenderge qalai kómektesip jatqanyn aitty, - dep habarlaidy Tengrinews.kz.
Konstantin Avershinniń sózinshe, Qostanai oblysyndaǵy órtten zardap shekkenderge alǵash kómek qolyn usynǵan kompaniialardyń biri Magnum jelisi bolǵan.
"Bul kompaniiamen ótkizip jatqan 14-shi aktsiiamyz. TJ kezinde birge kóp jumys istegenbiz. Bul joly qajet gýmanitarlyq zattar salynǵan eki fýra jiberdik. Onyń ishinde, sanitarlyq-gigienalyq zattar, jyly kórpeler, oramal, azyq-túlik bar. Buzylmaityn zattar", - deidi Avershin.
Sonymen qatar, qoǵam qairatkeriniń sózinshe, órtten 200-ge jýyq otbasy zardap shekken. Al Kaspi.kz kompaniiasy zardap shekkenderdiń nesiesin keshiredi.
"3 qyrkúiekten Marjan Elshibaevamen (Kaspi.kz korporativtik kommýnikatsiialar departamentiniń basshysy - esk.) bailanystamyz jáne ol nesie keshiriletinin aitty. Kompaniia bul týraly jariialaǵysy kelmedi, biraq olardyń qoldaýyn atap ótken jón dep oilaimyn. Mendegi aqparat boiynsha, Kaspi.kz taǵy da kómek kórsetpek, endi tek jergilikti bilikten jaýap kútip otyr", - dedi depýtat.
