Foto: ashyq derekkóz
Qostanai oblysynda jol-kólik oqiǵalarynyń sany aitarlyqtai ósip, onyń saldarynan qaza tapqandardyń arasynda balalar da bar, dep habarlaidy Ult.kz oblystyq prokýratýraǵa silteme jasap.
Prokýratýra dereginshe, 2025 jyldyń qańtar-tamyz ailary aralyǵynda oblys joldarynda 854 apat tirkelgen, bul ótken jyldyń sáikes kezeńimen salystyrǵanda 25,8%-ǵa artyq (2024 j. – 679 apat).
Apattar saldarynan 1234 adam zardap shekken:
-
1184 adam jaraqat aldy;
-
50 adam kóz jumdy.
Qaza tapqandardyń ishinde 6 kámeletke tolmaǵan bala bar. Bul kórsetkish ótken jylmen salystyrǵanda 500%-ǵa artqan (2024 j. – 1 bala).
Eń kóp apat respýblikalyq jáne halyqaralyq mańyzy bar trassalarda bolǵan. Atap aitqanda:
-
Qostanai – Rýdnyi – Denisovka – Komsomolskoe – Qarabutak (KAZ 19) jolynda apattar 114,3%-ǵa ósken;
-
Qostanai – Áýliekól – Sýrǵan (KAZ 23) jolynda ósim 61,9%-dy quraǵan.
Prokýratýranyń málimetinshe, jol-kólik oqiǵalarynyń basym bóligi júrgizýshilerdiń jol erejesin óreskel buzýynan bolǵan. Sonymen birge apattardyń bir bóligi jaiaý júrginshiler kinásinen tirkelgen.
Azamat Jaqsybaev, Quqyqtyq statistika komitetiniń Qostanai oblysy boiynsha departamentiniń aǵa prokýrory:
«Júrgizýshilerdiń tártipsizdigi men nazarsyzdyǵy saldarynan adamdar qaza taýyp, jaraqat alyp jatyr. Sondyqtan jol qozǵalysy erejelerin qatań saqtaýǵa shaqyramyz. Ózińizdi jáne jaqyndaryńyzdy qorǵańyzdar», – dedi.
Oqi otyryńyz: Sońǵy apattardan keiin IIM joldaǵy tártipti kúsheitedi.
