فوتو: اشىق دەرەككٶز
قوستاناي وبلىسىندا جول-كٶلٸك وقيعالارىنىڭ سانى ايتارلىقتاي ٶسٸپ, ونىڭ سالدارىنان قازا تاپقانداردىڭ اراسىندا بالالار دا بار, دەپ حابارلايدى Ult.kz وبلىستىق پروكۋراتۋراعا سٸلتەمە جاساپ.
پروكۋراتۋرا دەرەگٸنشە, 2025 جىلدىڭ قاڭتار-تامىز ايلارى ارالىعىندا وبلىس جولدارىندا 854 اپات تٸركەلگەن, بۇل ٶتكەن جىلدىڭ سەيكەس كەزەڭٸمەن سالىستىرعاندا 25,8%-عا ارتىق (2024 ج. – 679 اپات).
اپاتتار سالدارىنان 1234 ادام زارداپ شەككەن:
-
1184 ادام جاراقات الدى;
-
50 ادام كٶز جۇمدى.
قازا تاپقانداردىڭ ٸشٸندە 6 كەمەلەتكە تولماعان بالا بار. بۇل كٶرسەتكٸش ٶتكەن جىلمەن سالىستىرعاندا 500%-عا ارتقان (2024 ج. – 1 بالا).
ەڭ كٶپ اپات رەسپۋبليكالىق جەنە حالىقارالىق ماڭىزى بار تراسسالاردا بولعان. اتاپ ايتقاندا:
-
قوستاناي – رۋدنىي – دەنيسوۆكا – كومسومولسكوە – قارابۇتاك (KAZ 19) جولىندا اپاتتار 114,3%-عا ٶسكەن;
-
قوستاناي – ەۋليەكٶل – سۋرعان (KAZ 23) جولىندا ٶسٸم 61,9%-دى قۇراعان.
پروكۋراتۋرانىڭ مەلٸمەتٸنشە, جول-كٶلٸك وقيعالارىنىڭ باسىم بٶلٸگٸ جٷرگٸزۋشٸلەردٸڭ جول ەرەجەسٸن ٶرەسكەل بۇزۋىنان بولعان. سونىمەن بٸرگە اپاتتاردىڭ بٸر بٶلٸگٸ جاياۋ جٷرگٸنشٸلەر كٸنەسٸنەن تٸركەلگەن.
ازامات جاقسىباەۆ, قۇقىقتىق ستاتيستيكا كوميتەتٸنٸڭ قوستاناي وبلىسى بويىنشا دەپارتامەنتٸنٸڭ اعا پروكۋرورى:
«جٷرگٸزۋشٸلەردٸڭ تەرتٸپسٸزدٸگٸ مەن نازارسىزدىعى سالدارىنان ادامدار قازا تاۋىپ, جاراقات الىپ جاتىر. سوندىقتان جول قوزعالىسى ەرەجەلەرٸن قاتاڭ ساقتاۋعا شاقىرامىز. ٶزٸڭٸزدٸ جەنە جاقىندارىڭىزدى قورعاڭىزدار», – دەدٸ.
وقي وتىرىڭىز: سوڭعى اپاتتاردان كەيٸن ٸٸم جولداعى تەرتٸپتٸ كٷشەيتەدٸ.
