Búgin Qostanai oblysynda koronavirýs infektsiiasynyń aldyn alý maqsatynda lokdaýn rejimin belgileý týraly qaýly shyǵaryldy, dep habarlaidy "Ult aqparat".
Qostanai oblysynyńy ákimi Arhimed Muhambetov koronavirýstyq infektsiianyń taralýyna jol bermeý jónindegi jedel shtab otyrysyn ótkizgen bolatyn. Jiyn barysynda óńirde qatań shekteý sharalaryn engizý týraly qaýly qabyldandy.
Sonymen, Qostanai oblysynyń memlekettik bas sanitarlyq dárigeriniń orynbasary Iu.Sevostianovtyń sheshimimen shekteý sharalary 18 shildeden 3 tamyzǵa deiin jalǵasady.
«Turǵyndarǵa qajet bolǵan jaǵdaida ǵana 3 adamnan aspaityn toppen áleýmettik qashyqtyqty saqtai otyryp, bir otbasy músheleriniń turatyn jerinen shyǵýyna ruqsat etiledi. Oiyn-saýyq qyzmetiniń barlyq túrlerine, buqaralyq is-sharalardy ótkizýge, qoǵamdyq kólik qyzmetine , (saiajai marshrýttaryn qospaǵanda, qozǵalys kestesin anyqtaýmen saǵat 06:00-den saǵat 10:00-ge deiin, saǵat 17:00-den 21:00-ge deiin) tyiym salynady. Qoǵamdyq tamaqtaný obektileriniń qyzmeti tek daiyn taǵamdardy tutynýshyǵa saǵat 09:00-den 21:00-ge deiin shyǵarýǵa jáne jetkizýge ruqsat etiledi (ýaqyt boiynsha shekteý jol boiyndaǵy servis obektilerine qoldanylmaidy). Tamaq ónimderin satatyn saýda obektilerin, dárihanalardy qospaǵanda, barlyq saýda obektileriniń qyzmetine ruqsat berilmeidi. Azyq-túlik ónimderin, kóterme satýdy qospaǵanda, satylatyn assortimentke qaramastan barlyq saýda bazarlarynyń qyzmetine tyiym salynady. Halyqqa bailanyssyz qyzmet kórsetý jónindegi obektilerdiń (avtomobil jýý, avtomobilderdi, turmystyq tehnikany, kiimdi, aiaq kiimdi jóndeý) qyzmetine shekteý belgilendi. Skverler, saiabaqtardyń, jaǵalaýlardyń, onyń ishinde olardyń aýmaqtarynda ornalasqan tamaqtaný jáne saýda núkteleriniń, sondai-aq jaǵajailar men demalys bazalarynyń qyzmetin toqtata turýǵa sheshim qabyldandy», - delingen bas sanitar dárigerdiń qaýlysynda.
Qaýly 2020 jylǵy 18 shildede saǵat 00:00-den bastap kúshine enedi.
