Qostanai oblysynda týǵan ákesin atyp óltirgen qyzǵa qatysty sot úkimi shyqty, dep habarlaidy "Ult aqparat" oblystyq sottyń baspasóz qyzmetine silteme jasap.
Oqiǵa 2019 jylǵy 12 mamyrda Qamysty aýdanynyń Altynsarin aýylynda bolǵan.
«Jergilikti turǵyn P. tirkelmegen tegis uńǵyly ańshylyq qarýmen ákesi T.-ny atyp tastaǵan. Ákesi dene jaraqaty saldarynan oqiǵa ornynda kóz jumdy. Oblystyq qylmystyq ister jónindegi mamandandyrylǵan aýdanaralyq sotynyń qaýlysymen P-nyń qylmysty esi durys emes kúide jasaǵany dáleldendi. QR QK 16-babyna sáikes ol qylmystyq jaýapkershilikten bosatyldy» , - dedi vedomstvonyń baspasóz qyzmetindegiler.
Týǵan ákesin atyp tastaǵan qyz psihiatriialyq statsionarda májbúrli emdeý sharalarynan ótedi.
Qaýly zańdy kúshine engen joq.
