Qostanai oblysynda júk poiyzy relsten shyǵyp ketti, dep habarlaidy sputniknews.kz.
Oblystyq Tótenshe jaǵdailar departamenti baspasóz qyzmetiniń málimetinshe, 6 qyrkúiekte Áýliekól aýdanynda eki vagon relsten shyǵyp ketken.
"Saǵat 06.45-te Qazanbasy stansasynda eki vagon (sany anyqtalyp jatyr) relsten shyǵyp ketkeni týraly aqparat tústi. Quramada 53 vagon bolǵan, barlyǵyna qiyrshyq tas tielgen", — dep jazylǵan TJD habarlamasynda.
Kostanaiskie Novosti saity apat saldarynan "Astana-Mańǵyshlaq" baǵytynda qatynaityn №37 jolaýshylar poiyzy keshiktirilgenin habarlady. Jóndeý-qalpyna keltirý jumystaryn Qazanbasy stansasynyń qyzmetkerleri júrgizip jatyr.
