Qostanai oblysynda saiajailyq úiden órt shyǵyp, birneshe adam qaza boldy, dep habarlaidy oblystyq TJD baspasóz qyzmeti.
Oqiǵa 6 maýsym kúni saǵat 02:00 shamasynda Lisakov qalasyndaǵy «Ýrojainaia-2» saiajai baqshasynda bolǵan. Habarlama jergilikti órt sóndirý bólimine túsken.
«Qutqarýshylar oqiǵa ornyna kelgende saiajai úii tolyǵymen janyp jatty. Órt 35 sharshy metr aýmaqty sharpydy. Jalyn saǵat 03:34-te sóndirildi. Úi ishinen janyp ketken 3 adamnyń denesi tabyldy», - delingen TJD habarlamasynda.
Órttiń naqty sebepterin anyqtaý úshin sot saraptamasy belgilendi. Oqiǵa ornynda Lisakov qalasy politsiia bóliminiń qyzmetkerleri jumys istep jatyr.
