قوستاناي وبلىسىندا ساياجايلىق ٷيدەن ٶرت شىعىپ, بٸرنەشە ادام قازا بولدى, دەپ حابارلايدى وبلىستىق تجد باسپاسٶز قىزمەتٸ.
وقيعا 6 ماۋسىم كٷنٸ ساعات 02:00 شاماسىندا ليساكوۆ قالاسىنداعى «ۋروجاينايا-2» ساياجاي باقشاسىندا بولعان. حابارلاما جەرگٸلٸكتٸ ٶرت سٶندٸرۋ بٶلٸمٸنە تٷسكەن.
«قۇتقارۋشىلار وقيعا ورنىنا كەلگەندە ساياجاي ٷيٸ تولىعىمەن جانىپ جاتتى. ٶرت 35 شارشى مەتر اۋماقتى شارپىدى. جالىن ساعات 03:34-تە سٶندٸرٸلدٸ. ٷي ٸشٸنەن جانىپ كەتكەن 3 ادامنىڭ دەنەسٸ تابىلدى», - دەلٸنگەن تجد حابارلاماسىندا.
ٶرتتٸڭ ناقتى سەبەپتەرٸن انىقتاۋ ٷشٸن سوت ساراپتاماسى بەلگٸلەندٸ. وقيعا ورنىندا ليساكوۆ قالاسى پوليتسييا بٶلٸمٸنٸڭ قىزمەتكەرلەرٸ جۇمىس ٸستەپ جاتىر.
