Qostanai oblysynda karantin sharalary 14 jeltoqsannan bastap jeńildetildi, dep habarlaidy "Ult aqparat".
Búgin Qostanai oblysynyń bas sanitarlyq dárigeri Vladimir Nechitailo jańa qaýly shyǵardy.
Buǵan deiin jariialanǵan «Karantin sharalaryn qatańdatý týraly» Qostanai oblysynyń bas memlekettik sanitarlyq dárigeriniń 2020 jylǵy 5 qarashadaǵy № 54 qaýlysyna ózgerister engizildi. Atap aitqanda, jańa jyldyq korporativterdi, balalar erteńgilikterin, jappai merekelerdi ótkizýge tyiym salynady. Sondai-aq, mádeniet obektileriniń (jeke, toptyq daiyndyqtar), teatrlardyń jumysy ýaqytsha toqtatylady.
«Kitaphanalardyń, murajailardyń qyzmetine ruqsat beriledi. Bul rette ǵimarat tolymdylyǵy 30%-dan aspaýy tiis. Oblysaralyq jolaýshylar tasymaldaryn qospaǵanda, 15 adamnan aspaityn oblysishilik, qalaaralyq qoǵamdyq jolaýshylar kóliginiń (avtobýstar, shaǵyn avtobýstar, taksi) júrýine ruqsat etilsin.
Taksi qyzmetteriniń jumysyna ýaqyt boiynsha shekteýsiz ruqsat beriledi. Taksi júrgizýshileri men jolaýshylaryna mindetti túrde betperde kiiýi tiis.
Azyq-túlik dúkenderiniń, onyń ishinde shaǵyn marketter, sýpermarketter, gipermarketter qyzmetine saǵat 08:00-den 23:00-ge deiin ruqsat berý. Dárihanalar shekteýsiz jumys isteidi.
Avtojanarmai quiý stantsiialary kezindegi shaǵyn marketterdiń qyzmeti jalǵasady», delingen bas sanitar dárigerdiń redaktsiialanǵan qaýlsynda.
Osy qaýly 2020 jylǵy 14 jeltoqsan saǵat 00:00-den bastap kúshine enedi. Jeńildetý sharalary eki aptaǵa sozylady.
