قوستاناي وبلىسىندا كارانتين شارالارى 14 جەلتوقساننان باستاپ جەڭٸلدەتٸلدٸ, دەپ حابارلايدى "ۇلت اقپارات".
بٷگٸن قوستاناي وبلىسىنىڭ باس سانيتارلىق دەرٸگەرٸ ۆلاديمير نەچيتايلو جاڭا قاۋلى شىعاردى.
بۇعان دەيٸن جارييالانعان «كارانتين شارالارىن قاتاڭداتۋ تۋرالى» قوستاناي وبلىسىنىڭ باس مەملەكەتتٸك سانيتارلىق دەرٸگەرٸنٸڭ 2020 جىلعى 5 قاراشاداعى № 54 قاۋلىسىنا ٶزگەرٸستەر ەنگٸزٸلدٸ. اتاپ ايتقاندا, جاڭا جىلدىق كورپوراتيۆتەردٸ, بالالار ەرتەڭگٸلٸكتەرٸن, جاپپاي مەرەكەلەردٸ ٶتكٸزۋگە تىيىم سالىنادى. سونداي-اق, مەدەنيەت وبەكتٸلەرٸنٸڭ (جەكە, توپتىق دايىندىقتار), تەاترلاردىڭ جۇمىسى ۋاقىتشا توقتاتىلادى.
«كٸتاپحانالاردىڭ, مۇراجايلاردىڭ قىزمەتٸنە رۇقسات بەرٸلەدٸ. بۇل رەتتە عيمارات تولىمدىلىعى 30%-دان اسپاۋى تيٸس. وبلىسارالىق جولاۋشىلار تاسىمالدارىن قوسپاعاندا, 15 ادامنان اسپايتىن وبلىسٸشٸلٸك, قالاارالىق قوعامدىق جولاۋشىلار كٶلٸگٸنٸڭ (اۆتوبۋستار, شاعىن اۆتوبۋستار, تاكسي) جٷرۋٸنە رۇقسات ەتٸلسٸن.
تاكسي قىزمەتتەرٸنٸڭ جۇمىسىنا ۋاقىت بويىنشا شەكتەۋسٸز رۇقسات بەرٸلەدٸ. تاكسي جٷرگٸزۋشٸلەرٸ مەن جولاۋشىلارىنا مٸندەتتٸ تٷردە بەتپەردە كييۋٸ تيٸس.
ازىق-تٷلٸك دٷكەندەرٸنٸڭ, ونىڭ ٸشٸندە شاعىن ماركەتتەر, سۋپەرماركەتتەر, گيپەرماركەتتەر قىزمەتٸنە ساعات 08:00-دەن 23:00-گە دەيٸن رۇقسات بەرۋ. دەرٸحانالار شەكتەۋسٸز جۇمىس ٸستەيدٸ.
اۆتوجانارماي قۇيۋ ستانتسييالارى كەزٸندەگٸ شاعىن ماركەتتەردٸڭ قىزمەتٸ جالعاسادى», دەلٸنگەن باس سانيتار دەرٸگەردٸڭ رەداكتسييالانعان قاۋلسىندا.
وسى قاۋلى 2020 جىلعى 14 جەلتوقسان ساعات 00:00-دەن باستاپ كٷشٸنە ەنەدٸ. جەڭٸلدەتۋ شارالارى ەكٸ اپتاعا سوزىلادى.
