Qostanai oblysynyń halyqqa qyzmet kórsetý ortalyqtary jumys kestesin ýaqytsha ózgertti, dep habarlaidy «Azamattarǵa arnalǵan úkimet» AQ Qostanai oblysy boiynsha filialynyń baspasóz qyzmeti.
Oblystyń bas sanitarlyq dárigeriniń 2020 jylǵy 18 maýsymdaǵy № 29 buiryǵyna sáikes, endi Qostanaidaǵy HQKO-lar azamattardy saǵat 10:00-den 18:00-ge deiin qabyldaidy.
«Qazir HQKO-larda qaǵaz túrindegi qyzmetter ǵana kórsetiledi. Sondyqtan turǵyndar elektrondyq qyzmetterdi ózdiginen nemese ózine-ózi qyzmet kórsetý sektorlarynan alatyn bolady. Oblys ortalyǵynda mundai alty ortalyq bar. Azamattar qyzmetterdi Qostanaidaǵy halyqqa qyzmet kórsetý ortalyqtarynda kezekke aldyn-ala tapsyrys bergennen keiin ǵana ala alady. Halyqqa qyzmet kórsetý bólimderinen qyzmet alý úshin saǵat 17.30-ǵa deiin árkim óz kezegin brondap úlgerýi qajet. Odan keshkise brondaý jaramsyz dep tanylady», - dedi «Azamattarǵa arnalǵan úkimet» AQ Qostanai oblysy boiynsha filialy direktorynyń orynbasary Shyńǵys Áshirbekov.
Kezekke egov.kz elektrondyq úkimet portalyndaǵy arnaiy qyzmet arqyly, 1414 nómiri nemese Telegram bot EgovKzBot2.0 arqyly tirkelýge bolady.
Sanitarlyq-epidemiologiialyq normalardy saqtaý maqsatynda HQKO-ǵa kelýshi mindetti túrde meditsinalyq maska taǵýy qajet. Sondai-aq ǝleýmettik araqashyqtyqty saqtaý mindetti.
