Qostanai oblysynda baǵany turaqtandyrýǵa arnalǵan qantty bólýdiń qylmystyq shemasy áshkerelendi, - dep habarlaidy "Ult aqparat" Antikordyń baspasóz qyzmetine silteme jasap.
"Ákimdik pen "Tobyl ÁKK" AQ qyzmetkerleri qant tapshylyǵyn paidalana otyryp, ony oblystyń turaqtandyrý qorynan jeńildik quny boiynsha kelisine 420 teńgege kezekten jáne normadan tys tańdalǵan kásipkerlerge bergen.
Bul úshin kásipkerler ákimdik pen ÁKK qyzmetkerlerine syiaqy retinde 100-den 500 kelige deiin qantty úlestirgen. Budan ári ol kásipkerler paida kórý maqsatynda halyqqa qantty 10 paiyzdyń ornyna 100 paiyz ústeme baǵamen satqan", - delingen habarlamada.
Antikor málimetinshe, turaqtandyrý qoryndaǵy qoima meńgerýshisiniń jeke garajyn tekserý barysynda 900 keli qant tabylyp, tárkilengen. Alynǵan qant turaqtandyrý qoryna qaitarylǵan. Ózge aqparat tergeý múddesine sáikes jariialaýǵa jatpaidy.
