Foto: kstnews.kz
Qostanai oblysy Áýliekól aýdanynda boiy eki metrden asatyn boijetken turady, - dep habarlaidy Tengrinews.kz portaly kstnews.kz saityna silteme jasap.
Áýliekól turǵyny Arýjan Ishanbekovanyń boiy 2 metrden asady. Ol 17 jasta, dene shynyqtyrý mamandyǵy boiynsha jergilikti kolledjdiń ekinshi kýrsynda oqidy. Boijetken oqýmen qatar, eriktiler qatarynda.
"Otbasymyzda 7 adambyz, men - besinshi balamyn. Ákemniń de boiy uzyn. Onyń boiy - 1 metr 95 santimetr. Eki aǵamnyń da boiy uzyn, biraq uzyny - men", - deidi Arýjan.
Qyz boiynyń uzyn bolǵanyna esh qymsynbaidy, biraq keide yńǵaisyzdanatynyn moiyndaidy. Mysaly, kiim tańdaýda qiyndyqqa tap bolady. Arýjanǵa kiim tapsyryspen tigiledi. Mektepte qyz boks, voleibol men shahmat sektsiialaryna qatysady.
"Arýjannyń týǵan kezdegi boiy 54 santimetr, salmaǵy 5,8 keli boldy. Qyzym bolashaqta model bolǵysy keledi. Biz de armany oryndalǵanyn qalaimyz. Ras, otbasy úshin qarjylyq jaǵynan ońai emes. Men úide balalardy tárbielep otyrmyn, al ákesiniń densaýlyǵy artyq tabys tabýǵa múmkindik bermeidi", - deidi qyzdyń anasy Jańagúl.
Aita keteiik, jaqynda Áýliekólde bolǵan qatty órt kezinde evakýatsiialanǵandardyń arasynda Arýjannyń otbasy da bar.
