Sońǵy birneshe kún ishinde Qostanai oblysynda úsh bala terezeden qulap ketken, dep habarlaidy "Ult aqparat" oblystyń Politsiia departamentiniń baspasóz qyzmetine silteme jasap.
«Sońǵy 5 kún ishinde Qostanai oblysy aýmaǵynda úsh bala kópqabatty úilerdiń terezesinen qulap ketken. Zardap shekkender bar bolǵany 2, 3 jáne 5 jasta. Olardyń barlyǵy aýrýhanada aýyr halde jatyr. Sońǵy jaǵdai keshe oblys ortalyǵynda boldy. 2018 jyly týǵan bala birneshe minýtqa ǵana ákesiniń nazarynan tys qalǵan», - dep atap ótti oblystyq basqarmada.
Terezeden qulap ketý sebepteri burynǵydai: terezeleri ashyq páterderde balany qaraýsyz qaldyrý, terezede qaýipsizdikti qamtamasyz etetin arnaiy blokirator, shekteýish nemese ózge qorǵanystyń bolmaýy, tereze aldyna ústel, oryndyq, divannyń bolýy.
«Terezeniń qaýipsizdigin aldyn ala oilastyrý arqyly osyndai jaǵdaidy boldyrmaý kerek. Blokirator men shekteýishtiń baǵasy birneshe myń teńgeden aspaidy, al ol bolmasa balalardyń ómirine qaýip tónedi», delingen habarlamada.
Qostanai oblysynyń politsiia departamenti ata-analardan saq bolýdy jáne balalardy qaraýsyz qaldyrmaýdy suraidy.
