19 naýryz kúni Qostanai oblysyndaǵy úidiń aýlasynan er adamnyń máiiti tabyldy, dep habarlaidy "Ult aqparat" Stan.kz agenttigine silteme jasap.
BAQ-taǵy aqparatta er adamnyń Uzynkól aýdany Presnogorkov aýyldyq okrýginiń ákimi Tastemir Tursynbaev ekeni, sheneýniktiń óz-ózine qol salǵany týraly aitylǵan.
Qostanai oblysynyń politsiia departamenti Uzynkól aýdanyndaǵy úilerdiń biriniń aýlasynan er adamnyń máiiti tabylǵanyn rastady, alaida marqumnyń kim ekeni týraly aqparat berilmegen.
"Uzynkól aýdanyndaǵy bir úidiń aýlasynan er adamnyń máiiti tabylǵanyna bailanysty qylmystyq is qozǵaldy. Oqiǵanyń mán-jaiy anyqtalýda. Tiisti saraptamalar taǵaiyndaldy", – delingen habarlamada.
Zańǵa sáikes tergeý aiasyndaǵy basqa aqparat jariia etilmeidi.
