Qostanai oblysynyń Jitiqara qalasynda koronavirýstyq infektsiianyń 2 jaǵdaiy tirkeldi, dep habarlaidy "Ult aqparat" Tótenshe jaǵdaidy qamtamasyz etý jónindegi Memlekettik komissiianyń jedel shtabyna silteme jasap.
«14.04.2020 jyly pnevmoniiamen aýyratyn adamdardyń zerthanalyq tekserý nátijeleri boiynsha eki patsientte COVID-19 oń nátije berdi.
Jitiqara qalasynyń aýrýhanasyna dene qyzýy joǵary, álsizdigi, entigýi bar 74 jáne 65 jastaǵy qart adamdar jetkizildi. PTR diagnostikalyq zertteýiniń nátijeleri boiynsha olardan COVID-19 diagnozy rastaldy», - delingen shtabtyń aqparatynda.
Qazir dárigerler bekitilgen hattamaǵa sáikes tiisti emdeý sharalaryn júrgizedi. Naýqastarmen bailanysta bolǵan adamdar anyqtalyp, barlyǵy meditsinalyq baqylaýǵa alyndy.
Jalpy Qostanai oblysynda COVID-19 infektsiiamen barlyǵy 5 adam tirkeldi. Epidemiiaǵa qarsy is-sharalar jalǵasýda.
