Qostanailyq politseiler intimdik qyzmet kórsetetin bes qyzdy ustady. Bir áieldi qosalqy sharýashylyq iesi erkinen tys ustap otyrǵan, dep habarlaidy QazAqparat.
Politsiia habarlaǵandai, 22 qarasha men 1 jeltoqsan aralyǵynda Qostanai oblysy aýmaǵynda «STOP trafik» respýblikalyq jedel aldyn alý sharasy ótken.
«Onyń barysynda oblystyń PD kriminaldyq politsiia basqarmasynyń qyzmetkerleri aqshalai syiaqyǵa intimdik qyzmetter kórsetip júrgen bes qyzdy ustady. Qostanai aýdanynyń aýmaǵynda oblystyń jedel qyzmetkerleri aýdan qyzmetkerlerimen birlesip 55 jastaǵy turǵyndy qosalqy sharýashylyqta paidalaný maqsatynda bas bostandyǵynan zańsyz aiyrý faktisin anyqtady. Qosalqy sharýashylyqtyń iesi ony naýryzdan bastap erkinen tys ustap otyrǵan», - dep habarlady vedomstvo.
Atalǵan fakti boiynsha Qazaqstan Respýblikasy Qylmystyq kodeksiniń 126-baby úshinshi tarmaǵy ekinshi bóligi boiynsha qylmystyq is tirkeldi.
Sondai-aq, «STOP trafik» jedel aldyn alý sharasyn ótkizý barysynda «Jezókshelikpen ainalysýǵa tartý» baby boiynsha qylmystyq is tirkeldi.
«Oblystyń kriminaldyq politsiia qyzmetkerleri Qostanai qalasynyń 23 jastaǵy turǵynyn anyqtady, ol kizdar.net saity arqyly aryz berýshini jezókshelikpen ainalysýǵa tartqan. Tártip saqshylary Qostanai jáne Rýdnyi qalalaryndaǵy saýnalardy tekserý kezinde anyqtalǵan QR QK 309-baby birinshi tarmaǵy boiynsha eki qylmystyq isti tirkedi», - dedi politsiia.
