قوستانايلىق پوليتسەيلەر ينتيمدٸك قىزمەت كٶرسەتەتٸن بەس قىزدى ۇستادى. بٸر ەيەلدٸ قوسالقى شارۋاشىلىق يەسٸ ەركٸنەن تىس ۇستاپ وتىرعان, دەپ حابارلايدى قازاقپارات.
پوليتسييا حابارلاعانداي, 22 قاراشا مەن 1 جەلتوقسان ارالىعىندا قوستاناي وبلىسى اۋماعىندا «SتOP ترافيك» رەسپۋبليكالىق جەدەل الدىن الۋ شاراسى ٶتكەن.
«ونىڭ بارىسىندا وبلىستىڭ پد كريمينالدىق پوليتسييا باسقارماسىنىڭ قىزمەتكەرلەرٸ اقشالاي سىياقىعا ينتيمدٸك قىزمەتتەر كٶرسەتٸپ جٷرگەن بەس قىزدى ۇستادى. قوستاناي اۋدانىنىڭ اۋماعىندا وبلىستىڭ جەدەل قىزمەتكەرلەرٸ اۋدان قىزمەتكەرلەرٸمەن بٸرلەسٸپ 55 جاستاعى تۇرعىندى قوسالقى شارۋاشىلىقتا پايدالانۋ ماقساتىندا باس بوستاندىعىنان زاڭسىز ايىرۋ فاكتٸسٸن انىقتادى. قوسالقى شارۋاشىلىقتىڭ يەسٸ ونى ناۋرىزدان باستاپ ەركٸنەن تىس ۇستاپ وتىرعان», - دەپ حابارلادى ۆەدومستۆو.
اتالعان فاكتٸ بويىنشا قازاقستان رەسپۋبليكاسى قىلمىستىق كودەكسٸنٸڭ 126-بابى ٷشٸنشٸ تارماعى ەكٸنشٸ بٶلٸگٸ بويىنشا قىلمىستىق ٸس تٸركەلدٸ.
سونداي-اق, «STOP ترافيك» جەدەل الدىن الۋ شاراسىن ٶتكٸزۋ بارىسىندا «جەزٶكشەلٸكپەن اينالىسۋعا تارتۋ» بابى بويىنشا قىلمىستىق ٸس تٸركەلدٸ.
«وبلىستىڭ كريمينالدىق پوليتسييا قىزمەتكەرلەرٸ قوستاناي قالاسىنىڭ 23 جاستاعى تۇرعىنىن انىقتادى, ول kizdar.net سايتى ارقىلى ارىز بەرۋشٸنٸ جەزٶكشەلٸكپەن اينالىسۋعا تارتقان. تەرتٸپ ساقشىلارى قوستاناي جەنە رۋدنىي قالالارىنداعى ساۋنالاردى تەكسەرۋ كەزٸندە انىقتالعان قر قك 309-بابى بٸرٸنشٸ تارماعى بويىنشا ەكٸ قىلمىستىق ٸستٸ تٸركەدٸ», - دەدٸ پوليتسييا.
