Foto: Qostanai oblysy boiynsha memlekettik kirister departamenti
Qostanai oblysy boiynsha Memlekettik kirister departamentiniń qyzmetkerleri «Qairaq» ótkizý beketinde quny 230 mln teńgeden asatyn kriptovaliýta óndirýge arnalǵan jabdyqty Resei Federatsiiasyna zańsyz áketý áreketiniń jolyn kesti, dep habarlaidy «Ult aqparat» oblystyq memlekettik kirister departamentiniń baspasóz qyzmetine silteme jasap.
Departamenttiń málemetinshe 2023 jyldyń qarasha aiynda Qazaqstanda tirkelgen «A» JShS 640 serverdi shetelge shyǵarýǵa tyrysty. Osy oqiǵa boiynsha QR ÁQBtK-niń 463-babymen ákimshilik is qozǵalyp, qazirgi ýaqytta aiaqtaldy. Sot sheshimimen barlyq júk memleket kirisine tárkilenip, 25 AEK mólsherinde ákimshilik aiyppul salyndy.
«Memlekettik kirister departamenti «Erekshe taýarlardy baqylaý týraly» QR Zańynyń normalaryna sáikes tiisti ruqsat qujattarynsyz naqty taýarlardy tasymaldaýǵa tyiym salynǵanyn eske salady», - delingen Qostanai oblysy boiynsha Memlekettik kirister departamentiniń baspasóz qyzmeti taratqan aqparatta.
