Qostanai oblysynda biyl 106 million tonnadan astam astyq jinaldy, al aýyl sharýashylyǵy ónimderinen túsken kiris 332 milliard teńgege deiin ósken. Bul týraly oblystyq Aýyl sharýashylyǵy basqarmasynyń basshysy Baibosyn Baibatyruly Ortalyq kommýnikatsiialar qyzmetinde ótken baspasóz konferentsiiasynda málimdedi, dep habarlaidy "Ult aqparat" Baq.kz portalyna silteme jasap.
«Biylǵy egindi esepke alsaq, 106 million tonnadan astam astyq jinaldy. Jyl basynan beri 15,5 milliard teńgege 1104 tehnika satyp aldyq»,- dedi ol.
Sonymen qatar konferentsiia barysynda biyl júzege asyrylatyn 24 investjobanyń eń iri degen 4-ýi aýyl sharýashylyǵy salasynda júzege asyrylatyny belgili boldy.
«Solardyń biri – ósimdik maiyn shyǵaratyn zaýyt. Ekinshi joba aiasynda «Baian Sulý» konditer fabrikasynda biskvit shyǵarý qolǵa alynady, kásiporynǵa 3,6 milliard teńge jumsalmaq», - dep atap ótti basqarma basshysy.
Sonymen qatar brifinge kelgen Qostanai oblysy ákimdiginiń ókilderi oblys ákimi men Tatarstan prezidenti Rýstam Minnihanovtyń kelisimi nátijesinde kelesi jyly Qostanaida saban toi respýblikalyq deńgeide atalyp ótetinin aitty.
