Búgin Qostanai qalasyna Egipet memleketinen «Sharm-el-Sheih – Qostanai» baǵyty boiynsha reis ushyp keldi, dep habarlaidy "Ult aqparat".
Oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málimetinshe, ushaq bortynda barlyǵy 237 jolaýshy jáne 7 ekipaj múshesi bolǵan. Onyń 152-i – Resei Federatsiiasynyń, 1 – Ýkraina, 84 – Qazaqstan azamaty.
Kelgen jolaýshylardy politsiia qyzmetkerleri, epidemiologtar jáne jedel járdem qyzmetkerleri birge qarsy aldy. Sodan keiin reseilikter Resei Federatsiiasynyń shekarasyna deiin jetkizildi. Eldiń 84 azamaty meditsinalyq qyzmetkerlerdiń baqylaýyna alyndy.
«Qostanai oblysynda koronovirýs infektsiiasyn juqtyrǵan adamdar joq. Jolaýshylardyń jaǵdaiy birqalypty. Búgingi kúni oblysta 39 adam aýrýhanaǵa jatqyzyldy, karantinde 24 adam bar» delingen vedomstvonyń aqparatynda.
