Búgin Qostanai oblysyna Resei men Qytaidan gýmanitarlyq kómek keldi. Mamandar dári-dármekter men qorǵanysh quraldaryn emhanalarǵa bóldi, dep habarlaidy QazAqparat.
Oblystyq densaýlyq saqtaý basqarmasy dárilik saiasat jáne dári-dármekpen qamtamasyz etýdi úilestirý bóliminiń basshysy Gúlnar Ospanova atap ótkendei, mamandar shet elderden kelgen gýmanitarlyq kómekti qabyldap, tekserip aldy. Eń bastysy KVI-men kúreste qoldanylatyn «Favipiravir» emdeý preparaty keldi. Bul dári Qazaqstanǵa birinshi ret ákelinip otyr.
20 tonna dári-dármek oblys ortalyǵyndaǵy «Ińkár» seriktestigine tapsyryldy. Qazir seriktestik qoimasynda asa zárý dáriniń 23 túri bar. Máselen, munda bir ǵana paratsetamoldyń 35 myń qaptamasy tur. Tseftriakson, azitromitsin, levofloksatsin, novokain, antigrippin, analgin, zitmak, kardiomagnil, ksarelto siiaqty dáriler kesheden beri dárihanalarǵa taratylyp jatyr.
Jalpy, Qostanai oblysynda 281 dárihana bar. Búginnen bastap sonyń bárine jedel túrde dári jetkizilip jatyr. Eń birinshi kezekte oblys ortalyǵynan shalǵai ornalasqan Arqalyq, Amangeldi, Jangeldi, Jitiqara aýdandaryn áleýmettik mańyzy bar dári-dármekpen qamtý mindeti tur. Jańa kelip túsken dárilerdiń baǵasy mamandardyń baqylaýynda.
Oblysta COVID-19 virýsyn anyqtaityn 5 zerthana jumys isteýde. Búginde «Ulttyq saraptama ortalyǵy» filialynda 3 zerthana jáne «Olimp» klinikalyq-diagnostikalyq zerthanasy úzdiksiz jumys isteýde. 1 zerthana 29 mln teńge demeýshi qarajatynyń esebinen satylyp alynǵanyn aita ketken jón. Búginge deiin jalpy sany 46 myńǵa jýyq zertteý jumystaryn júrgizgen bul zerthanalarda táýligine 2 myńǵa deiin taldaý jasalady.
Indetke qarsy júzege asyrylyp jatqan keshendi is-sharalar barysynda aimaqtaǵy emdeý mekemelerinde naýqastarǵa arnalǵan 1668 tósek-oryn qoiyldy. Onyń 584-i koronovirýs indeti naqty anyqtalǵan naýqastarǵa arnalǵan. Bul tósek-oryndarda qazir 260 adam jatyr, qalǵany bos tur. Sondai-aq, indet belgileri bar adamdardy oqshaýlaý úshin 1084 provizorlyq tósek-oryn daiyndaldy.
