Qostanai oblysynda kolledjder memlekettik qyzmetter standarty boiynsha qarastyrylmaǵan qujattardy suratqan. Bul qujattar tehnikalyq jáne kásibi bilim uiymdaryna qabyldaý kezinde talap etilgen, dep habarlaidy "Ult aqparat" memlekettik qyzmet isteri departamentiniń baspasóz qyzmetine silteme jasap.
Quqyq buzýshylyqty monitoring barysynda qoǵam belsendileri anyqtaǵan. Qorytyndy oblystyń memlekettik qyzmet isteri departamentiniń janyndaǵy vedomstvoaralyq jumys tobynyń otyrysy kezinde jariialandy.
13 kolledjde standartpen bekitilgen qujattar tizimine qaramastan, bilim mekemeleriniń qyzmetkerleri standart boiynsha qarastyrylmaǵan basqa da qujattardy talap etken.
«Mysaly, Qostanai qyzmet kórsetý salasy kolledji standarttyq qujattardan bólek, ata-analardyń tólqujatynyń kóshirmesin jáne mektepten minezdeme suratqan, Áýliekól aýyl sharýashylyǵy kolledji talapkerdiń tólqujaty nemese týý týraly kýáliginiń kóshirmesin, 6 dana 3h4 sýret, fliýrografiia sýretin talap etken», - dedi vedomstvodan. – Al Qostanai joǵary ekonomikalyq kolledji 086/ý formasyndaǵy meditsinalyq anyqtama suratqan, alaida qazirgi kezde onyń ataýy – 075/ý».
Qoǵamdyq monitoringten tek úsh kolledj ǵana sátti ótti – Qostanai gýmanitralyq kolledji, Qostanai qurylys kolledji jáne Jitiqara politehnikalyq kolledji.
Júrgizilgen qoǵamdyq monitoring qorytyndysy boiynsha oblystyń memlekettik qyzmet isteri departamenti bilim uiymdaryna usynystar jiberdi.
