«Qostanai» halyqaralyq áýejaiy» AQ basshysyna nysannyń terrorizmge qarsy qorǵalýyn tiisti deńgeide qamtamasyz etpegeni úshin 195 myń teńge aiyppul salyndy. Bul týraly Kóliktegi politsiia departamenti habarlady.
«QR «Terrorizmge qarsy is-qimyl týraly» Zańyna sáikes kólik politseileri «Qostanai» halyqaralyq áýejaiy» AQ obektisin tekserý barysynda mekeme basshysynyń ózine senip tapsyrylǵan nysannyń terrorizmge qarsy qorǵalýyn qamtamasyz etý jáne qaýipsizdiginiń tiisti deńgeiin saqtaý jónindegi mindetterdi tiisinshe oryndamaǵany anyqtaldy», - deidi Kóliktegi politsiia departamenti Ekstremizmge qarsy is-qimyl basqarmasynyń bastyǵy Erlan Álimov.
Onyń aitýynsha, biylǵy 1 qyrkúiekte politsiia qyzmetkerleri tekserý aktisine sáikes, QR ÁQBtK-niń 149-babynyń 1-bóligimen (terroristik turǵydan osal obektiniń terrorizmge qarsy qorǵalýyn qamtamasyz etý jáne qaýipsizdiginiń tiisti deńgeiin saqtaý jónindegi mindetterdi oryndamaý jáne (nemese) tiisinshe oryndamaý) ákimshilik quqyq buzýshylyq týraly hattama toltyrdy.
Atalǵan ákimshilik is Qostanai qalasynyń mamandandyrylǵan ákimshilik sotyna jiberildi.
«14 qazan kúni sot «Qostanai» halyqaralyq áýejaiy AQ basshysyn ákimshilik quqyq buzýshylyq jasaǵany úshin kináli dep tanyp, oǵan 70 AEK kóleminde aiyppul túrinde ákimshilik jaza qoldandy», - dedi E.Álimov.
