Qostanai qalasynyń basshysy Qairat Ahmetov koronavirýsqa shaldyqty. Bul týraly ákim áleýmettik jelidegi paraqshasynda jazdy, dep habarlaidy QazAqparat.
«Qurmetti qostanailyqtar! Barlyq saqtyq sharalaryn qatań saqtaýyma qaramastan, ókinishke orai, Covid-19-ǵa tapsyrǵan testim oń nátije kórsetti. Osy sebeppen óz-ózimdi oqshaýlaýǵa kóshemin jáne jumysymdy qashyqtan jalǵastyramyn. Osyǵan orai, qala turǵyndaryn belgilengen barlyq talaptar men qajetti qaýipsizdik sharalaryn qatań saqtaýǵa shaqyramyn. Bizdiń mindetimiz – shydamdylyq tanytyp, tazalyqqa úlken mán berý, óz otbasymyzdy qaýip-qaterden qorǵaý»,- dedi Qairat Ahmetov.
Shahar basshysy mundai qiyn jaǵdaida densaýlyqty qorǵaýǵa sanaly túrde qaraý kerektigin atap ótti. Ol turǵyndardy saqtyq sharalaryna barynsha uqypty qaraýǵa shaqyrdy.
