Qostanai qalalyq aýrýhanasy karantin rejimine kóshirildi, - dep habarlaidy oblystyq densaýlyq saqtaý basqarmasynyń baspasóz qyzmeti.
«Qostanai qalalyq aýrýhanasynda qyzmetkerler men emdelýshilerge koronavirýs infektsiiasyna qarsy taldaý jasaldy. 23 sáýir kúni proktologiialyq bólimshede jatqan 1965 jyly týǵan patsientke COVID-19 diagnozy qoiyldy. Osydan keiin birden epidemiiaǵa qarsy is-sharalar qabyldanyp, aýrýhanada bolǵandardyń bárinen analiz alyndy. Ázirge aýrýhana karantin rejimine kóshiriledi», - deidi vedomstvonyń baspasóz hatshysy Kseniia Jilkibaeva.
Búgin KVI anyqtalǵan emdelýshimen jaqyn qarym-qatynasta bolǵan barlyq qyzmetkerler men naýqastar qalalyq aýrýhana ishine oqshaýlandy. Aýrhanaǵa júginetin adamdar joldamamen oblystyq aýrýhanaǵa jiberiledi.
