Aqmola oblysyndaǵy Qoiandy men Qosshy kentindegi balalalardan koronavirýs anyqtaldy, dep habarlaidy "Ult aqparat" Jedel shtabqa silteme jasap.
Virýsty juqtyrǵandardyń biri — Aqkól aýdanynyń 1976 jylǵy turǵyny, ol ózine deiin koronavirýsty juqtyrǵan adammen jaqyn qarym-qatynasta bolǵan. 30 sáýir kúni Aqkól aýdandyq aýrýhanasynyń karantindik statsionaryna jatqyzylǵan.
Qalǵan eki adam Tselinograd aýdanynda tirkeldi. Olardyń biri 2010 jylǵy qyz bala, Qosshy aýylynan, ol da virýsty juqtyrǵan adammen bailanysta bolǵan. Ákesi Nur-Sultan q. kásiporyn qyzmetkeri.
Ekinshisi Qoiandy aýylynan — 2014 jylǵy ul bala. Úi karantininde bolǵan. Nur-Sultan q. atalǵan kásiporynmen bailanysty.
Aýrýhanaǵa jatqyzý orny retinde Aqmola oblystyq týberkýlezge qarsy dispanseri anyqtaldy.
Atalǵan azamattarmen bailanysta bolǵan adamdardy anyqtaý úshin sanitarlyq-epidemiologiialyq tergeý jumystary júrgizilip jatyr. Aýrý oshaqtaryn zararsyzdandyrý jumystary qolǵa alynǵan.
Oblys statsionarlarynda 256 emdelýshi jatyr, olardyń ishinde 17-si provizorlyq statsionarda, 225-i karantindik statsionarda, 14-i juqpaly aýrýlar statsionarynda.
718 adam úi karantini rejimin saqtap otyr.
