اقمولا وبلىسىنداعى قوياندى مەن قوسشى كەنتٸندەگٸ بالالالاردان كوروناۆيرۋس انىقتالدى, دەپ حابارلايدى "ۇلت اقپارات" جەدەل شتابقا سٸلتەمە جاساپ.
ۆيرۋستى جۇقتىرعانداردىڭ بٸرٸ — اقكٶل اۋدانىنىڭ 1976 جىلعى تۇرعىنى, ول ٶزٸنە دەيٸن كوروناۆيرۋستى جۇقتىرعان اداممەن جاقىن قارىم-قاتىناستا بولعان. 30 سەۋٸر كٷنٸ اقكٶل اۋداندىق اۋرۋحاناسىنىڭ كارانتيندٸك ستاتسيونارىنا جاتقىزىلعان.
قالعان ەكٸ ادام تسەلينوگراد اۋدانىندا تٸركەلدٸ. ولاردىڭ بٸرٸ 2010 جىلعى قىز بالا, قوسشى اۋىلىنان, ول دا ۆيرۋستى جۇقتىرعان اداممەن بايلانىستا بولعان. ەكەسٸ نۇر-سۇلتان ق. كەسٸپورىن قىزمەتكەرٸ.
ەكٸنشٸسٸ قوياندى اۋىلىنان — 2014 جىلعى ۇل بالا. ٷي كارانتينٸندە بولعان. نۇر-سۇلتان ق. اتالعان كەسٸپورىنمەن بايلانىستى.
اۋرۋحاناعا جاتقىزۋ ورنى رەتٸندە اقمولا وبلىستىق تۋبەركۋلەزگە قارسى ديسپانسەرٸ انىقتالدى.
اتالعان ازاماتتارمەن بايلانىستا بولعان ادامداردى انىقتاۋ ٷشٸن سانيتارلىق-ەپيدەميولوگييالىق تەرگەۋ جۇمىستارى جٷرگٸزٸلٸپ جاتىر. اۋرۋ وشاقتارىن زارارسىزداندىرۋ جۇمىستارى قولعا الىنعان.
وبلىس ستاتسيونارلارىندا 256 ەمدەلۋشٸ جاتىر, ولاردىڭ ٸشٸندە 17-سٸ پروۆيزورلىق ستاتسيوناردا, 225-ٸ كارانتيندٸك ستاتسيوناردا, 14-ٸ جۇقپالى اۋرۋلار ستاتسيونارىندا.
718 ادام ٷي كارانتينٸ رەجيمٸن ساقتاپ وتىر.
