Foto: QMA
Jambyl oblysynyń prokýratýrasy "Qospaev" uiymdasqan qylmystyq tobynyń múshelerin memlekettik shekaradan ótkizgen adam ustalǵanyn málimdedi, - dep habarlaidy "Ult aqparat" vedomstvonyń baspasóz qyzmetine silteme jasap.
Buǵan deiin Qarjylyq monitoring agenttigi UQT músheleri Shalin, Imashev jáne Qospaevqa Qylmystyq kodekstiń 249 (reiderlik) jáne 262-baptary boiynsha (uiymdasqan qylmystyq top qurý jáne qatysý) jasaǵan qylmystary úshin halyqaralyq izdeý jariialaǵan.
Vedomstvo málimetinshe, olar Jambyl oblysynyń aýmaǵynda ornalasqan memlekettik shekara arqyly elden shyǵyp ketken.
"Byltyr 10 qarashada Qordai aýdandyq politsiia bólimimen Qylmystyq kodekstiń 394-baby 2-bóligi ("Zańsyz kóshi-qondy uiymdastyrý") boiynsha qylmystyq isti tirkelgen. Al 11 qarashada Qordai aýdanynyń prokýrory Birlik Izbasarovtyń qaýlysymen politsiia jáne shekara basqarmasynyń tájiribeli qyzmetkerlerinen mekemearalyq top qurylǵan.
Prokýratýramen júrgizilgen úilestirý jumystarynyń nátijesinde, joǵaryda kórsetilgen tulǵalardy ótken jyldyń 6 tamyzynda Sortóbe aýylynyń mańynda brod arqyly memlekettik shekaradan ótkizýdi uiymdastyrǵan jergilikti turǵyn anyqtalyp, quryqtaldy" - delingen habarlamada.
Kúdikti kinásin tolyq moiyndady. Sotaldy tergeý jumystary jalǵasyp jatyr jáne is prokýratýranyń baqylaýynda.
