Almatyda «Kún basty beineler qupiiasy» derekti filminiń tusaýkeseri ótti, dep habarlaidy "Ult aqparat".
Kóshpendilerdiń ejelgi órkenietine arnalǵan filmniń rejisseri - Bolat Omar.
Filmde avtorlar Táńir sóziniń túpki maǵynasyna, shyǵý tegine úńilgen.
Túsirilim Almaty oblysynda 5 jyl jalǵasqan.
«Film kóptegen suraqtarǵa jaýap beredi. Mysaly, nelikten qazaq jáne qyrǵyz oiýlaryndaǵy órnekter men fondardyń alańy birdei, kóshpendiler men ejelgi grekterdiń oiýlaryn qandai ideia biriktiredi, nelikten Ortalyq Aziianyń kóshpendileri turmysta eki tústi arqandy paidalanady, nelikten Vatikan kardinaldary moinyna eki tústi arqanjip bailap júredi, t.b.», - deidi Bolat Omar.
Onyń aitýynsha, Táńir sózi túrkiniń «Tań» jáne ejelgi Egipettiń kún qudaiynyń aty «Ra» sózderinen quralǵan.
«Tań – kúnshyǵys, Ra – ejelgi Egipettiń kún qudaiy. Keibireýler Táńir sózi tań jáne er sózderinen quralǵan degendi aitady», - deidi avtorlar.
Film 7 bólikke bólingen, onyń árbiri 13 minýt jalǵasady. Kartina Tańbaly tastaǵy bes jarym myń jyl buryn tasqa qashap salynǵan sýretterden bastalyp, ejelgi órkenietter týraly syr shertedi.
Avtorlardyń aitýynsha, táńirshildik – birqudailyqqa syiynatyn alǵashqy álemdik din ári býddizm, hristian jáne islam dinderi bastaýyn sodan alady.
