الماتىدا «كٷن باستى بەينەلەر قۇپيياسى» دەرەكتٸ فيلمٸنٸڭ تۇساۋكەسەرٸ ٶتتٸ, دەپ حابارلايدى "ۇلت اقپارات".
كٶشپەندٸلەردٸڭ ەجەلگٸ ٶركەنيەتٸنە ارنالعان فيلمنٸڭ رەجيسسەرٸ - بولات ومار.
فيلمدە اۆتورلار تەڭٸر سٶزٸنٸڭ تٷپكٸ ماعىناسىنا, شىعۋ تەگٸنە ٷڭٸلگەن.
تٷسٸرٸلٸم الماتى وبلىسىندا 5 جىل جالعاسقان.
«فيلم كٶپتەگەن سۇراقتارعا جاۋاپ بەرەدٸ. مىسالى, نەلٸكتەن قازاق جەنە قىرعىز ويۋلارىنداعى ٶرنەكتەر مەن فونداردىڭ الاڭى بٸردەي, كٶشپەندٸلەر مەن ەجەلگٸ گرەكتەردٸڭ ويۋلارىن قانداي يدەيا بٸرٸكتٸرەدٸ, نەلٸكتەن ورتالىق ازييانىڭ كٶشپەندٸلەرٸ تۇرمىستا ەكٸ تٷستٸ ارقاندى پايدالانادى, نەلٸكتەن ۆاتيكان كاردينالدارى موينىنا ەكٸ تٷستٸ ارقانجٸپ بايلاپ جٷرەدٸ, ت.ب.», - دەيدٸ بولات ومار.
ونىڭ ايتۋىنشا, تەڭٸر سٶزٸ تٷركٸنٸڭ «تاڭ» جەنە ەجەلگٸ ەگيپەتتٸڭ كٷن قۇدايىنىڭ اتى «را» سٶزدەرٸنەن قۇرالعان.
«تاڭ – كٷنشىعىس, را – ەجەلگٸ ەگيپەتتٸڭ كٷن قۇدايى. كەيبٸرەۋلەر تەڭٸر سٶزٸ تاڭ جەنە ەر سٶزدەرٸنەن قۇرالعان دەگەندٸ ايتادى», - دەيدٸ اۆتورلار.
فيلم 7 بٶلٸككە بٶلٸنگەن, ونىڭ ەربٸرٸ 13 مينۋت جالعاسادى. كارتينا تاڭبالى تاستاعى بەس جارىم مىڭ جىل بۇرىن تاسقا قاشاپ سالىنعان سۋرەتتەردەن باستالىپ, ەجەلگٸ ٶركەنيەتتەر تۋرالى سىر شەرتەدٸ.
اۆتورلاردىڭ ايتۋىنشا, تەڭٸرشٸلدٸك – بٸرقۇدايلىققا سىيىناتىن العاشقى ەلەمدٸك دٸن ەرٸ بۋدديزم, حريستيان جەنە يسلام دٸندەرٸ باستاۋىن سودان الادى.
