Foto: ashyq derekkózden
Qazaqstanda agroónerkásiptik keshen salasyndaǵy eń aýqymdy kórme ótip jatyr. 18 shilde kúni Qazaqstannyń AÓK-degi eń aýqymdy jáne kópten kútken is-sharalardyń biri - «Jańa Dala / Green Day 2024» mamandandyrylǵan halyqaralyq kórmesi-demonstratsiiasy bastalady. Dástúrli «Dala kúni» formatynda ótip jatqan kórme is-sharasynda týrizm jáne sport baǵyttary da tys qalmady. Is-sharanyń resmi bólimine Qazaqstan Respýblikasy Týrizm jáne sport ministri Ermek Marjyqpaev qatysty.
Dala mádenieti kóshpendiler dástúriniń negizi ekenin biledi. Osyndai messedjdi 5-shi Dúniejúzilik kóshpendiler oiyndary da qoldady. Óz kezeginde, oiyndarǵa jaýapty Direktsiia «Jańa Dala / Green Day 2024» aiasynda agroforýmda ekspozitsiialyq kórme uiymdastyrdy. Uiymdastyrýshylardyń arnaiy shaqyrtýymen Nail Nýrov basshylyq etetin 5-shi Dúniejúzilik kóshpendiler oiyndaryn daiyndaý jáne ótkizý jónindegi Direktsiia mamandary eki kúndik forýmda agroónerkásip kesheni mamandaryn Oiyndarmen tanystyryp, jyldyń mańyzdy básekesinde birge bolýǵa shaqyrdy.
Is-shara Aqmola oblysynyń Aqkól aýdanynda, Eńbek aýylynda, óńirdiń eń tehnologiialyq jabdyqtalǵan sharýashylyqtarynyń biri – «Eńbek» JShS demonstratsiialyq alańdarynda ótedi.
Aita keterligi, alqap kúni formatyndaǵy dástúrli agroforým 2013 jyldan beri ótkizilip keledi. Respýblikadaǵy qazirgi zamanǵy aýyl sharýashylyǵy tehnologiialarynyń, joǵary ónimdi tehnikanyń, sondai-aq agrarlyq óndiris pen agrotýrizm salasyndaǵy innovatsiialyq ázirlemelerdiń eń iri demonstratsiialyq alańy bolyp tabylady.
Eske sala keteiik, 8-13 qyrkúiekte Astana qalasynda etnikalyq sport túrlerinen ótkiziletin halyqaralyq sport jarystary – 5-shi Dúniejúzilik kóshpendiler oiyndary ótedi. Is-sharaǵa 89 elden 2000-nan astam qatysýshy qatysady dep josparlanýdaAstanadda ótetin Dúniejúzilik kóshpendiler oiyndarynda barlyǵy 21 sport túrinen 97 medal jiyntyǵy sarapqa salynady.
