Qazaqstan Prezidentiniń Jarlyǵymen Qyrymbek Kósherbaev Memlekettik hatshy qyzmetine taǵaiyndaldy, dep habarlaidy Aqorda.
"Qyrymbek Eleýuly Kósherbaev Qazaqstan Respýblikasynyń Memlekettik hatshysy bolyp taǵaiyndalsyn, ol Qazaqstan Respýblikasy Prezidenti Ákimshiliginiń Basshysy qyzmetinen bosatylsyn", - delingen Jarlyq mátininde.
Kósherbaev bul qyzmette Marat Tájindi almastyrdy.
Ol 1955 jyly 20 mamyrda Qyzylorda oblysynyń Qazaly qalasynda dúniege kelgen. Qazaq politehnikalyq institýty (1978 j.), SOKP OK janyndaǵy Qoǵamdyq ǵylymdar akademiiasy (1991 j.) bitirgen. 1978-79 jj. - «Glavrissovhozstroi» PMK-112 injeneri, óndiristi daiyndaý tobynyń bastyǵy, Kyzylorda q. 1979-81 jj. - Qyzylorda oblysynyń kúrish injenerlik júiesiniń - Búkilodaqtyq ekpindi komsomoldyq qurylysynyń shtab bastyǵy. 1981-88 jj. - Qazaqstan LKSM komsomoldyq qyzmetin meńgergen. 1988-91 jj. - SOKP OK janyndaǵy Qoǵamdyq ǵylymdar akademiiasynyń aspiranty. 1991 j. - Qazaqstan Respýblikasy Prezidenti Apparaty Mádeniet jáne ultaralyq qatynastar referentýrasynyń referenti. 1991-94 jj. - Qazaqstan Respýblikasy Premer-Ministri orynbasarynyń kómekshisi. 1994-95 jj. - Almaty qalasy Kalinin aýdanynyń ákimi. 1995-96 jj. - Qazaqstan Respýblikasy Ministrler Kabineti Apparaty basshysynyń orynbasary - ishki saiasat bóliminiń meńgerýshisi; Qazaqstan Respýblikasy Úkimeti Apparaty basshysynyń orynbasary - aýmaqtyq damý bóliminiń meńgerýshisi. 1996-97 jj. - Qazaqstan Respýblikasy Prezidentiniń Baspasóz hatshysy - Baspasóz qyzmetiniń jetekshisi. 1997-99 jj. - Qazaqstan Respýblikasynyń Bilim, mádeniet jáne densaýlyq saqtaý ministri. 1999 j. - Qazaqstan Respýblikasynyń Densaýlyq saqtaý, bilim jáne sport ministri. 1999-2000 jj. - Qazaqstan Respýblikasynyń Bilim jáne ǵylym ministri. 2000-03 jj. - Qazaqstan Respýblikasy Batys-Qazaqstan oblysynyń ákimi. 2003-06 jj. - Qazaqstan Respýblikasynyń Resei Federatsiiasyndaǵy Tótenshe jáne Ókiletti ókili, Qazaqstan Respýblikasynyń Finliandiia Respýblikasyndaǵy Tótenshe jáne Ókiletti ókili (qosyp atqardy), Qazaqstan Respýblikasynyń Armeniia Respýblikasyndaǵy Tótenshe jáne Ókiletti ókili (qosyp atqardy). 2006 j - Qazaqstan Respýblikasy Mańǵystaý oblysynyń ákimi. 2012 jyldyń 13 shildesinde Qazaqstan Respýblikasy Prezidentiniń keńesshisi qyzmetine taǵaiyndaldy. 2012 jyldyń qyrkúieginde Qazaqstan Respýblikasy Premer-Ministriniń birinshi orynbasary bolyp taǵaiyndaldy. 2013 jyldyń qańtarynda Qyzylorda oblysynyń ákimi bolyp taǵaiyndaldy. 2019 jyldyń 28 maýsymynda Prezident Ákimshiliginiń basshysy bolyp taǵaiyndaldy .
