QR Memlekettik hatshysy Qyrymbek Kósherbaev Saiasi qýǵyn-súrgin qurbandaryn tolyq aqtaý jónindegi memlekettik komissiianyń kezekti otyrysyn ótkizdi, dep habarlaidy Aqorda.
Otyrysta saiasi qýǵyn-súrgin qurbandaryn tolyq aqtaý jónindegi memlekettik komissiianyń aqparattyq jumysy men ǵylymi-baspa qyzmetiniń basymdyqtary jáne Komissiianyń sheshimderin iske asyrý barysy talqylandy.
Otyrystyń negizgi spikerleri retinde Bilim jáne ǵylym ministri Ashat Aimaǵambetov, Mádeniet jáne sport ministri Aqtoty Raiymqulova, Aqparat jáne qoǵamdyq damý vitse-ministri Kemelbek Oishybaev, Parlament Májilisiniń depýtaty Aidos Sarym t.b sóz sóiledi.
Qyrymbek Kósherbaev óz sózinde Memlekettik komissiianyń qyzmetin aqparattandyrý máselesinde ǵylymi negizdilik pen tarihi obektivtilikti qamtamasyz etý qajet ekenin erekshe atap ótti.
Sonymen qatar memlekettik komissiia otyrysynda arhivterden tabylǵan ǵylymi-zertteý eńbekterdi jahandyq tsifrlyq kitaphanaǵa engizýge, kórkem-pýblitsistikalyq shyǵarmalardy yntalandyrý jónindegi arnaiy jobalardy iske asyrýǵa nazar aýdaryldy.
Jiyn barysynda óńirlerdegi saiasi qýǵyn-súrgin tarihyn zertteý materialdaryn basyp shyǵarý úshin múmkindikterdi damytý jáne jastar aýditoriiasynyń suranystaryna baǵyttalǵan aqparattyq orta qalyptastyrý máseleleri de qaraldy.
Otyrys qorytyndysy boiynsha QR Úkimetine, óńirlerdiń ákimderine aqparattyq jumysta Memlekettik komissiianyń strategiialyq basymdyqtaryn qamtamasyz etýge, baspasóz jáne tsifrlyq tehnologiialardyń keń aýqymyn qoldana otyryp, Komissiianyń zertteý materialdary boiynsha baspa qyzmetin keńeitýge baǵyttalǵan tapsyrmalar berildi.
